Samlinga på Gardermoen 18. og 19. oktober inngår i den nasjonale LUK-satsinga til Kommunal og regionaldepartementet. Solveig Svardal og Lars Ueland Kobro frå Telemarksforsking har sentrale roller i arbeidet med følgjeevaluering og prosessrettleiing  i satsinga. På samlinga på Gardermoen vil det bli fokusert på samhandling.

Følgjeevalueringa viser, så langt, at dei fylka som har best samhandling også er dei fylka der kommunane er mest nøgde med fylkeskommunen som utviklingsaktør. Dei same fylka ser ut til å vera dei som også er best i stand til å spele kommunane gode som utviklingsaktørar. Difor er SAMHANDLING tema for den nasjonale LUK-konferansen, denne gongen.

Den årlege nasjonale LUK-samlinga er ein viktig læringsarena for fylka, seier prosjektleiar for LUK-satsinga i KRD, Tore Vabø. Foredrag og anna frå konferansen vil bli tilgjenge på KRD sin LUK-portal.